أحبـــــــــــــــك مشكلة أكره وجودك مشكلة أكبر=

أبيعك و اشتري بك حــــــــــزن لى غادرت يتمنّاك

مصيبة ما قــــــــدرت أحجز لها صفحة على دفتر=

و عشت أغزل لها ثوب الهوى بالحــــلم و الإدراك

وش اللي جابنا نرســـــــــــــــم بقايا عمرنا أسمر=

و ودّاني الى زلّة كـــــــــــــــــــبيرة مثل ما ودّاك

صحيح احتجت لك ما هو مثل أوّل و بس .. أكثر=

و أحيانا أموت من العطش و اردى و لا اشرب ماك

لو أدري إن الولــــــه ذبلان ما يقوى على خنجر=

تركت الريــــــــــــــح يجرف حبنا و يغادر الشبّاك

شقى جيت أرفعه عنّك . . غفلني طاح و تكسّــــر=

عسى كـــــــــثر الشظايا لا تكون أقسى على يمناك

بقدر اللي بقى لك من غلا و بقدر ما قد مــــــــر=

متى حنيّتك توفــــــــــــــــــــي بواحد % من ذاك

خريطة حلــــم بين خطوطها حط المساء و اقمر=

ونا خانتني السكــــــــــــــــــة و لا ودّتني لنشواك

أقول الحــــــــظ بين الورد و النجمات و المرمر=

أرتّب كل شيء و يروح من بالـــــــي جنون شفاك

إذا قصّرت آسف ما اعتقد غلطتي تتكــــــــــــرر=

يغيبون البشر من خاطري إلاّ أنت ما أنســــــــاك

أنا اللي عشـــــت حافي ما علي إن كنت تتشطّر=

و إن كان الحـــــــلا عذرك حبيبي جلّ من سوّاك

أحــــس إنك علي محظور صعب النيل و مشفّر=

و لكن للأسف أنت فـ دماغي طارحك و ابغـــــاك

على شأن الهـــــوى حاول تبيّض خطّك الأحمر=

و تفتح باب للي من صميم القلب يا أبيض جـــــاك