يا نايم بالهناء و العافية ما قول صح النوم

تلذذ بالنعاس و بالغفو و احلام ورديّة

عسى تتقطّع أسباب الصحو يا حلو لين تقوم

و تشبع من تناهيد السرير أحضانك الحيّة

على ظهر الوسادة من خدودك قطّر اليشموم

و يا قلبي عليهم ساعة الروحات و الجيّة

مدامك منسجم و ملايتك قامت عليك تحوم

محصّن و الأمور الباقية في الصحو مقضّية

أمانه لا تخّلي شىء باين للشتاء المسموم

مدام إنّي بعيد و منشغل عن دفوك شويّه

غصيبه و الاّ من يرضى يعيّش خاطره محروم

يهيم بأرض و اللي يشغله في أرض محجيّة

لو إن الأمر بيدي ما حسبت لفرسهم و الروم

و لكن ما رضيت أفرح و ازعّل خاطر بنيّه

أعد أيّام ما ترحم لياليها حشا مفطوم

أدوّر لك بها ما بين تسليمتي و النيّة

لو إنّك تحسبيني منبسط جم و الخبار كروم

حساباتك غلط من نحونا مليون بالميّه

على زيت الألم و التولعه و التفرقة و اللوم

أموّت فرحتي و أنتي حسبتي إنّها حيّه

بصوّر لك مقاطع من عناي و برسل الألبوم

و أخاف اتعذّبك صوره من اللي عشت مطويّة

أعزّك ما قدرت أحجز لها معنى و لا مفهوم

و أحبّك أزهرت رغم إنّها ذبلى و منسيّة

من اللي قال لك إن الحنايا و القلوب تصوم

  و نا للـحين ما فطّـــرت قلبي لجـل حوريّــــه